| تبليغات | X |
اولین مرجع آموزشهای حقوقی برای فعالین حرکت ملی آذربایجان |
"آذربايجان دموكرات فرقه سينين مرامنامه و نظامنامه سي"
ياييم اوچون حاضيرلايان: آذياسا حقوق درنه يي (انجمن حقوقي آذياسا)
ياييم ايلي: قيش 1387
www.azyasa.blogfa.com
azyasa@gmail.com
"بوتون ياييم حاقلاري آذياسا درنه يي نه عاييد دير"
ميللي حوكومتين شهيدلرينه
اؤزلليكله اونون ايگيد عسگرلريندن اولان ، ميللي حقوق شوناس
"فريدون ابراهيمي" يه
سونولور
اولو تانرينين آدي ايله
اؤن سؤز يئرينه:
آذربايجان ميللي حوكومتينين، بير ايل بويوندا سوردوگو حوكومت دؤرونده (1325-1324)، چوخلو ده يرلي و ايزي قالان ايشلر گونئي آذربايجان دا گؤرولدو. اونلارين ان اؤنملي لريندن بيري، چوخلو قانون و نيظام نامه نين يازيلماسي ايدي. بو قانون لار اؤز زامانينا گؤره چوخ ده يرلي و گوجلو ايدي؛ نييه كي اونلار مدني، سياسي و اقتصادي و باشقا ساحه لرده، آذربايجان ميلتينه نه طور داورانماني و گليشمه ني بيان ائديرديلر. هابئله بو قانون لار منطقه و اؤلكه ايچره بيرينجي آدديم لاردان ساييليردي. اؤرنك اوچون دئمك اولار اونلاردا آنا ديلين نئجه يازيب اوخونماسي، آرتش قووه لرينين نئجه اولوب و گوجلنمه سي، هابئله مدني حاقلار و قادين حاقلاري، اقتصادي چتينليكلري آرادان قالديريب و زحمت چكنلرين زحمت لرينين هئچ اولماماسي اوچون قانون و نيظام نامه لر قئيد اولموشدور. بو قانون لارين هاميسي چوخ علمي و حقوقي شكليده يازيليب و اونا عاييد اولان ايجرايي قوه لرينده وظيفه لري بللنميشدير.
يازيقلار اولسون او زامان شوونيست لر و پان فارسيسمه قول اولانلار بو ميللي حوكومتي و اونون چاليشديقلارين اؤز منفعتلرينه اويغون گؤرمه ييب و 1325 ده محمد رضا پهلوي نين قوشونو بير سيرا لات لار ايله آذربايجانا هوجوم گتيريب و بير سؤي قيريم يولا سالديلار و آذربايجاني ايشغال ائتديلر.
آذياسا حقوق درنه يي (انجمن حقوقي آذياسا) بو سؤي قيريم حاقدا حقوقي آچيقلامالاري و هابئله آذربايجان ميللي حوكومتينين يازديغي قانون لار و نيظام نامه لري توپلاييب و اونلارين اوستونده بحث ائتمه يي، اؤزونه بير بورج بيلير. بو اساس دا ميللي حوكومتين مرامنامه و نيظامنامه سين "آذربايجان دموكرات فرقه سينين مرامنامه و نظامنامه سي" آدي ايله حاضيرلاييب و ياييريق.
آذياسا درنه يي، بو نيظامنامه ني اولدوغو كيمي يايير و اونو يئني فرمت (تايپ) ايله و يئني حقوقي باخيش لار ايله سونرالار حاضيرلاييب و ياياجاق.
يئري وار ميللي چاليشقانلاريميزدان كي بو كيتابين حاضيرلانماسيندا چاليشيب لار اؤزلليكله بابك تبريزلي جنابلاريندان بو كيتابي بيزه گؤندرديگي اوچون اؤز مينتدارليغيميزي بيلينديرك.
آذياسا حقوق درنه يي
(انجمن حقوقي آذياسا)
www.azyasa.blogfa.com
azyasa@gmail.com
قيش 1387
نوشته شده در سه شنبه سیزدهم اسفند 1387ساعت 15:3 توسط انجمن حقوقی آذ یاسا
|
 |
POWERED BY BLOGFA.COM |
|